Name:
HIS APARTMENT
Total Area:
120 კვ.მ
Location:
თბილისი, საქართველო
Year:
2021
სახელი:
HIS APARTMENT
ფართობი:
120 კვ.მ
ადგილმდებარეობა:
თბილისი, საქართველო
წელი:
2021
"სანამ ვიღაცის მყუდრო სახლად გადაიქცეოდეს, ყველა პროექტს აღმოაჩნდება ხოლმე ერთი ისეთი გამორჩეული დეტალი, რომლის საფუძველზეც მთელი სახლის ხასიათი იქმნება. His apartment-ის შემთხვევაში ეს გარდამტეხი ნაწილი დიდ ვიტრაჟებს მიღმა გადაშლილი მზიურის პარკი აღმოჩნდა. ასე გადაწყდა, რომ მოსასვენებელი მხარე და დივანი უყურებდეს არა ტელევიზორს, არამედ ბუნებას.
ფერები და ფაქტურებიც ფანჯრიდან დანახულის ინსპირაციით ავიღეთ და პალიტრა დედამიწის ტონალობებით შევადგინეთ: ცისფერი, ყავისფერი, მწვანე ფერები თუ ხის ფაქტურები ურბანული სულისკვეთებით შედარებით გავამკაცრეთ, თუმცა შევუნარჩუნეთ მაქსიმალურად კომფორტული და მოსასვენებლად იდეალური საცხოვრებლის ელფერი. მოსასვენებელი სივრცე სასტუმრო ოთახის ნაწილია, რომელიც ორად იყოფა და მისი პირველი ნაწილი სასადილო მხარეს უჭირავს.
სივრცეები გამოყოფილია, თუმცა ოთახი ერთიანობას საერთო ფერთა გამისა და მასალების დამსახურებით მაინც ინარჩუნებს. მინიმალისტური დიზაინის მქონე ჭაღები საინტერესო იმითაა, რომ ისინი ერთდროულად აერთიანებენ და ამასთანავე ყოფენ სივრცეებს, მათ შორის დადგმული მცენარე კი, ხასიათთან ერთად კიდევ ერთი ტიხრის ფუნქციას ითავსებს.
ცნობილი დიზაინერის, მარსელ ვანდერსის ჭაღი სახელად Flos skygarden, თავად ვანდერსის ძველ სახლში ორნამენტიანი ჭერის ფორმებს იმეორებს და ამით დახვეწილად შეაქვს ბინაში ბუნების კიდევ ერთი ელემენტი.
His apartment სადად მოწყობილ გარემოში გვიტოვებს აბსოლუტური სისავსის შეგრძნებას და გვაჩვენებს, თუ როგორ შეუძლია ზომიერებასა და სისადავეს ბინაში თავისებური სიმყუდროვის შექმნა.
"
აღმოაჩინე მეტი
VIBRANT DREAM
მკვეთრი შთაბეჭდილებებისა და დახვეწილობის შორის ზომიერების დაცვით, სიდიდის მიუხედავად, სივრცე არა გაფანტული, არამედ მსუყე და შეკრულია, რაც საბოლოოდ, მაცხოვრებლების ახდენილი ოცნება ხდება — დიდი, მყუდრო სახლი — ფერადი, სახასიათო დეტალებით.
LA FAMILIA
La Familia-ს თანამედროვე მინიმალიზმში შემოაქვს მრავალფეროვნება და ახერხებს, რომ ერთდროულად იყოს მყუდრო და საინტერესო ბინის ყველა მაცხოვრებლისთვის.