ბინა თბილისში, ფერთა თბილი პალიტრით, რომელშიც ყველა დეტალი პრაქტიკული გამოყენებისთვის არის გათვლილი ისე, რომ მინიმალისტურ დიზაინს არ ტვირთავს. ბინის მთავარი ხიბლი მის უბრალოებასა და მინიმალიზმშია, თუმცა, ინტერიერში გვხვდება საინტერესო დეტალები. ვფიქრობთ, რომ სწორედ ასეთი მცირე დეტალები ქმნის დიზაინს.

დამკვეთის სურვილი იყო ჰქონოდა ბინა, რომელშიც ის დაისვენებდა, იმუშავებდა, მიიღებდა მეგობრებს და ეს ყველაფერი მოგვეწყო ვიზუალური გადატვირთვის ან კონტრასტების გარეშე. პროექტზე მუშაობის შედეგად მივიღეთ ქვიშის და კარამელის ტონებით შესრულებული მშვიდი, დაბალანსებული სივრცე.

მრგვალი მაგიდა, რომელიც სამზარეულოს სივრცეშია, გაშლადია და ხდება საკმაოდ ტევადი, როდესაც ამის საჭიროებაა, ყოველდღიურობაში კი მცირე ადგილს იკავებს. დამკვეთის სურვილით დიზაინში თითქმის არ გვხვდება ღია ტიპის თაროები, ეს არა მხოლოდ სივრცის მინიმალისტური ეფექტისთვის არის, არამედ პრაქტიკულობის თვალსაზრისიტაც პასუხობს ბინის კონცეფციას.

სწორი დაგეგმარებით და ფუნქციური ავეჯით, ეს ბინა ამტკიცებს, რომ მინიმალისტური დიზაინი არა მხოლოდ ესთეტიურია, არამედ ის ცხოვრებას უფრო ადვილს და სასიამოვნოს ხდის.