ჩვენს შესახებ

გვჯერა, რომ ინტერიერის დიზაინს აქვს ძალა — ადამიანის ცხოვრების სტილს როგორც მოერგოს, ისე მოგვითხროს კიდეც მის შესახებ.

ეს სფერო ამოუწურავია და სწორედ იმიტომაც გვიტაცებს: ჩვენ, მუდმივად ახალ-ახალი იდეების აღმოჩენით, თითოეულ პროექტს უნიკალურ სულს ვძენთ. მუშაობის პროცესში სხვადასხვა ფერის, მასალის, ფორმისა თუ განათების საინტერესო კომბინაციებს ვქმნით, შთაგონება კი ნებისმიერი დეტალიდან შეიძლება ავიღოთ და ხშირად, სწორედ მცირე დეტალი განსაზღვრავს მთელი სივრცის პალიტრასა და ესთეტიკას.

Due interior design studio co-founders Lika Lasareishvili and Tsotne Andriadze.png

ჩვენ ვართ დუე

ჩვენი ფილოსოფია

გვჯერა, რომ თითოეულ ადამიანს უნიკალური ხასიათი, გემოვნება და საჭიროებები აქვს. ჩვენი შემოქმედებითი იდეები სწორედ ამ ინდივიდუალურობას ეხმიანება და ჩვენი თვალით დანახულ დამკვეთის შინაგან სამყაროს რეალობად აქცევს.

ელეგანტურად ცხოვრების ხელოვნება

Interior design studio DUE office in Tbilisi.png

DUE-ს მიღმა ორი მეგობარი დგას, ლიკა ლასარეიშვილი და ცოტნე ანდრიაძე. ცოტნემ მნიშვნელოვანი გამოცდილება სხვადასხვა წამყვან კომპანიაში და კერძო პროექტებზე მუშაობით დააგროვა, ლიკამ კი მილანის ერთ-ერთი საუკეთესო უნივერსიტეტის მაგისტრატურის დასრულების შემდეგ, ინტერიერის დიზაინის მიმართულებით იტალიაში განაგრძო მუშაობა. 2018 წელს მათ გაერთიანებული ძალებით დაარსეს ინტერიერის დიზაინის ქართული სტუდია იტალიური სახელით. DUE ქართულად ორს აღნიშნავს და ორი მეგობრის ერთობლივ საქმიანობაზე მიანიშნებს. ამავდროულად, სახელის წარმომავლობა გუნდის იტალიური გამოცდილებისა და თავად იტალიის, როგორც დიზაინის სფეროს წამყვანი ქვეყნის იდეას აერთიანებს.

ჩვენი გუნდი

დღეს, სტუდია DUE ინტერიერის დიზაინში 15 წელზე მეტ გამოცდილებას ითვლის. შემოქმედებითი ხედვით, დეტალებზე ორიენტირებულობითა და საქმისადმი განუსაზღვრელი ინტერესით სტუდია ქმნის სივრცეებს დახვეწილი ცხოვრებისთვის, რომლებიც ადამიანის ინდივიდუალურ ხასიათს ეხმიანება და დღევანდელი ცხოვრების საჭიროებებსაც ზუსტად პასუხობს.